DÍA DO LIBRO 2020

DÍA INTERNACIONAL DO LIBRO 2020

Desde Bibliocarballeira desexámosvos un Feliz Día do Libro a todos e a todas e agradecémosvos a colaboración ás persoas que permitistes que o poidamos celebrar con este vídeo.

Moitas grazas e a seguir lendo!

LIBROS DE MAN EN MAN. 23 DE ABRIL.

Como sabedes, o vindeiro XOVES 23 DE ABRIL celébrase o Día Internacional do Libro e este ano toca facelo en confinamento.

Por este motivo, desde Bibliocarballeira propoñémosvos que nos enviedes un vídeo dunha duración aproximada dun minuto no que saiades lendo en voz alta un fragmento do libro que escollades. 

Para a xente vergonzosa, pode valer con que só se escoite e se vexa o libro.

Ten que parecer que alguén volo pasa e que logo de ler vós llo pasades a alguén. 

Se vos animades tedes que envialo a bibliocarballeira@iesjohancarballeira.com ata o mércores 22 de abril.

Botádelle imaxinación que seguro que queda estupendo!!

LIBROS QUE NOS UNEN

LIBROS QUE NOS UNEN

Queridas lectoras e queridos lectores!

Estamos vivindo uns días estraños,

nos que temos que pensar que os nosos esforzos e incomodidades pagan moito a pena. 

Ademais de ordenar os nosos cuartos,😉 realizar todas as actividades que nos vaian propoñendo

e falar máis con toda a familia, desde a Biblioteca propoñémosvos...

QUE NOS VAIADES CONTANDO QUE LIBROS, XOGOS OU PELÍCULAS

VOS ESTÁN AXUDANDO A PASAR O TEMPO NA CASA E ENSINÁNDOVOS ALGO NOVO.

OU SIMPLEMENTE QUE COMPARTAMOS OS NOSOS PENSAMENTOS.

Podedes enviarnos os vosos comentarios a este blog, as vosas fotos ao Instagram e todo o que queirades compartir. 

Agradecémosvos anticipadamente a vosa colaboración e animámosvos

a que leades moito para medrar como persoas.

Quen se anima a empezar?

O 8 DE MARZO NA BIBLIOTECA

ACTIVIDADE PARA CELEBRAR O 8-M NA BIBLIOTECA

O pasado 6 de marzo o alumnado de 1º da ESO e 1º de bacharelato levou a cabo unha actividade na nosa biblioteca nomeada “Visibilizando as mulleres”, na cal, dada a cercanía do 8 M, os máis cativos do centro respostaron unha serie de preguntas realizadas polos estudantes de 1º de bac. sobre mulleres destacadas en diversas disciplinas (Ciencias, Artes, etc.) co fin de resaltar a súa importancia na Historia.

Palabras como as de Mary Wollstonecraft, Hipatia e outras grandes feministas quedarán dentro da nosa biblioteca grazas a este miniproxecto, para mostranlle ao alumnado do centro unha grande mensaxe de cor malva que demostra e, sobre todo, visibiliza a importancia que as mulleres tiveron, teñen e sempre terán. 

Alba Louzao e Darío Camiña             1º BAC B

BIBLIO CARBALLEIRA CAMBIA DE LOGOTIPO

A lo largo de este trimestre, el alumnado de 4º de ESO trabajó en la actualización del logotipo de la biblioteca. Su creatividad, sus ideas y su trabajo se vieron reflejados en sus propuestas: 

Después de su exposición en el vestíbulo del centro, el equipo de biblioteca realizó sus votaciones, que se sumaron a las de la cuenta de Instagram, donde tuvieron oportunidad de dar su opinión tanto el alumnado, como escritoras o personal de otras bibliotecas escolares. Finalmente resultó ganador este diseño:

Desde el equipo de biblioteca queríamos agradecer la participación, así que organizamos una pequeña merienda donde compartieron sus inspiraciones.

Gracias por vuestro trabajo y felicidades, Lucrecia Shandré Daries, autora del logotipo ganador, quien nos deja estas palabras: "Pensei nun cerebro como creador da imaxinación que se expresa nos libros. Os fíos que saen do cerebro son os nervios. Con isto quero dar as grazas polo premio e a todos os que me votaron".

Gracias a ti, Lucrecia.

VISITA DAS TANXUGUEIRAS

As Tanxugueiras explicáronnos o martes como grazas á música tradicional galega coñeceron países como Cuba ou a India, onde levaron o seu bo facer e compartiron cancións.

Defenderon o seu feminismo e a renovación da tradición popular, así como o orgullo de faceren música en galego nun mundo de homes e no que a mocidade non adoita escoitar música nesta lingua.

Sen dúbida, unha boa forma de ir celebrando o 8 de marzo.

Aquí vos deixamos un vídeo para que as coñezades ou as volvades gozar.

LEDICIA COSTAS NO JOHAN CARBALLEIRA

A escritora Ledicia Costas visitou o pasado 3 de marzo a nosa biblioteca, grazas ao programa do MEC "Encuentros Literarios". A autora conversou co alumnado de 1º de bacharelato sobre o seu libro Infamia e co de 1º de ESO sobre A balada dos unicornios, obra sobre a que se está traballando para a III Feira da Ciencia e Literatura.

Explicounos que desde moi nova quixo ser escritora para poder crear o libro que a ela lle gustaría ler e que hai uns anos deixou o seu oficio de avogada para dedicarse en exclusiva  a esta actividade, co que conseguir converter a súa paixón na súa profesión.
Confesounos que nalgún momento da escrita de Infamia sufriu, ao relatar momentos moi duros, como os abusos sexuais a menores ou a violación dunha das protagonistas. Tamén nos dixo que, aínda que en principio deixou moi aberto o final da novela para escribir unha segunda parte, agora non sabe se estará á altura das expectativas que se están creando, pois xa recibiu moitas peticións de continuación.

Pola súa banda, A balada dos unicornios levounos a reflexionar sobre a presenza da violencia no libro e nos videoxogos ou na televisión, pois parece que nos acostumamos a vela diante da pantalla pero non entre as páxinas dunha novela. Tamén falamos do famoso asasino Jack o Destripador, que aparece nun libro que pretende visibilizar as mulleres marxinais e que case nunca se tiñan en conta. A autora recoñeceu que para ela é difícil atoparlles un título ás súas obras pero neste tiña claro que quería que aparecese a palabra "unicornio".

Sen dúbida, unha experiencia enriquecedora grazas a esta escritora tan cercana e que sempre ten algo que nos ensinar.