Jules Verne e a vida secreta das mulleres planta
“Son
filla dunha muller planta e dun gardián. Iso converteume na gardiá
desta fraga. O meu deber é custodiala por riba de todo. Os seres
humanos son destrutivos. A súa natureza impúlsaos a esnaquizalo
todo. Que pensas que ocorrería se alguén descobre que existe este
lugar?”.
Ledicia
Costas é
unha das escritoras máis recoñecidas do panorama literario galego e
español, e por iso terá moita importancia nesta II Feira da Ciencia
e da Literatura pois, como ben saberedes, as súas historias combinan
á perfección o amor cara aos libros e o mundo da ciencia,
xustamente o que se persegue nesta nova edición da nosa feira. Pois
ben, a unión destas dúas disciplinas obsérvase en Jules
Verne e a vida secreta das mulleres planta,
novela xuvenil coa que gañou o Premio Lazarillo de Creación
Literaria no ano 2015.
A
historia que se conta ten que ver con Jules Verne, un autor francés
que ten entre os seus logros o de facer que moitos rapaces e rapazas
amasen a lectura e a busca de aventuras nos libros. Este home recala
no porto de Vigo o 19 de maio de 1884 a bordo dun impoñente iate.
Cal é a súa misión e por que vén ata Vigo? A razón non é outra
que atopar a pista
das misteriosas mulleres planta.
Nesa busca atópase por casualidade coa botica
do vello Philipot,
onde o ancián vive coa súa muller e a súa neta, baixo as que recae
un misterio moito tempo resgardado. Pero Jules e mailo seu grumete
Pierre emprenden un camiño emprenderán o camiño para atopar
respostas e aí xogará un papel importante o submarino de Antonio
Sanjurjo Badía, da fábrica La Industriosa.
A
mestura da ficción e a realidade fai deste libro un bo instrumento
de aprendizaxe. E é que mentres nos deixamos levar pola historia,
sorpréndennos as coidadas
descricións da cidade de Vigo,
nun tempo no que as casas rurais se complementaban xa coas estampas
propias da industrialización, como as fábricas. A ciencia
constitúe, tamén, un dos grandes temas do libro,
pois grazas ás mulleres planta reflexionamos sobre a necesidade de
coidar o planeta e as especies que nel habitan.
Por
último, quixera reivindicar a importancia que teñen estes libros na
educación da rapazada, pois nel demóstrase que as novelas e os
laboratorios científicos non están tan afastados como sempre nos
fixeron crer, pois unha
persoa pode sentir paixón por investigar e por vivir fermosas
aventuras.
E non esquezamos tampouco a importancia de que sexa unha nena,
Violeta, a que leve o peso da acción e que axude na consecución da
igualdade, ofrecendo espellos para que as rapazas poidan mirarse.
Ah!
e non esquezades que a teremos con nós o vindeiro 19 de febreiro.
Alí nos vemos para coñecer mellor o xermolo das súas letras.
Ficha
técnica
Título:
Jules Verne e a vida secreta das mulleres planta
Autora:
Ledicia Costas
Editorial:
Xerais
Ano
de publicación: 2016
Número
de páxinas: 240
0 comentarios:
Publicar un comentario