O pasado venres 11 de febreiro conmemorouse o día internacional da muller e a nena na ciencia para destacar as contribucións que ao longo da historia achegaron as mulleres á ciencia. Un labor que foi silenciado, repudiado e incluso negado durante séculos.
E como non, no noso centro, achegamos o noso pequeno gran de area dando a coñecer figuras de importancia histórica coma Wang Zhengi, Sophie Germain, Beulah Louise Henry ou Rita Levi-Montalcini, entre outras.
Este luns, 7 de xaneiro, ao rematar as clases do horario de diurno, teremos a presentación do libro Bocados Matemáticos do noso profesor e compañeiro Paulo González Ogando.
É o momento perfecto para conseguir ter o teu libro asinado polo autor ou.... para rascar esas décimas que che faltan para aprobar as matemáticas.
Animádevos!
O 17 de novembro finaba o poeta e narrador Darío Xohán Cabana aos 69 anos. Tras del deixa un legado de novelas, poemas, relatos e encrucillados imposibles impregnados dun léxico lugués do máis variado e rico posible.
Dez días despois a escritora Almudena Grandes falecía aos 61 anos de idade despois dunha vida adicada integramente ás letras e ao labor social.
69 e 61 anos son moi poucos para calquera persoa, e máis cando son persoas que tiñan aínda tanto por contar.
Que a terra lles sexa leve!
E rematamos con Borja, profesor pertencente ao departamento de Lingua e Literatura castelá. Tocoulle o inconmensurable pracer de pechar esta grande semana.
Borja tráenos un libro dun deses autores que antes ou despois ten que pasar polas nosas mans: El libro de los abrazos de Eduardo Galeano.
"Este libro del autor uruguayo es una recopilación de relatos que os harán sonreír y os emocionarán; textos tiernos y duros, breves y a la vez profundos; cuentos sobre el amor y la guerra, la cultura, la política o la burocracia, sobre la vida y la muerte, textos sobre la soledad y la amistad. Son relatos adictivos, que enganchan y están escritos con esa sencillez solo al alcance de los más grandes"
E agora... tocaravos pasar pola biblio e aceptar algunha das recomendacións, non?
E seguimos con esta cadea na que están saíndo títulos ben interesantes. Esta vez é a quenda de Montse do departamento de Bioloxía e Xeoloxía.
Desta vez tráennos un libro xa máis entrado en anos: El viento de la luna de Antonio Muñoz Molina.
"Recoméndovos esta novela que conta a vida dun adolescente dunha aldea labrega andaluza na España de 1969, na que semella que o tempo se detivo no pasado. Dun xeito moi íntimo describe a súa transición cara á madurez.
A misión espacial Apolo XI é o pano de fondo desta historia. Mentres o protagonista asiste alucinado á chegada do primeiro home á Lúa, comeza a súa propia viaxe persoal, cuestionándose e rebelándose contra o seu entorno."
E mañá si que xa rematamos co ciclo de propostas!
Pero.... A quen lle toca pechar isto?
