✒️ Co gallo das Letras Galegas 2026, dedicadas a Begoña Caamaño, na BiblioCarballeira lanzamos unha proposta creativa e diferente: o concurso de poesía escurecida (blackout poetry) baixo o lema “Para brillar na escuridade”.
Esta técnica consiste en crear un poema a partir dun texto previo, seleccionando palabras e ocultando o resto. O resultado é unha nova composición poética que combina lectura, interpretación e creación artística.
A participación é individual e o xurado valorará tanto a orixinalidade e coherencia do texto como a parte plástica da proposta.
📅 Prazo de entrega: ata o recreo do venres 15 de maio
📍 Entrega: na biblioteca
🎁 Haberá premios en vales de 20 €, 10 € e 5 €
Animamos a todo o alumnado a participar e dar renda solta á súa creatividade.
Ningún comentario:
Publicar un comentario