Rss Feed
  1. O alumnado de primeiro de ESO está a traballar os nosos montes e a súa flora dentro da lectura “Jules Verne e a vida secreta das mulleres planta”, libro escollido para a nosa II Feira da Ciencia e Literatura.
    E claro, era evidente que iamos falar dos incendios forestais, así que nada mellor que achegarnos a “O Campiño” para recibir formación, de primeira man, polos que apagan o lume nos nosos montes.
    Ata puidemos subir nun helicóptero que loita contra o lume!




    Tralas explicacións sobre como se apagan os incendios e como traballan nesta base, puidemos coñecer o funcionamento dos camións.


    Tivemos unha clase teórica para aprender a calcular a "humidade do combustible lixeiro morto", e dese xeito, ter unha idea da probabilidade de que se produza un incendio un determinado día.


    Antes de marchar rumbo a Bueu, deunos tempo de ver un vídeo onde estaba a brigada traballando na extincións de diferentes incendios forestais.
    A saída encantounos e aprendemos unha morea de cousas. Volvemos moi sensibilizados ante este problema tan grande na nosa terra. Agradecémoslle enormemente á Consellaría de Medio Rural a súa colaboración para poder facer posible esta actividade.


  2. 0 comentarios:

    Publicar un comentario