Biblioteca inclusiva 2020

 Ampliamos os nosos fondos na sección de Biblioteca Inclusiva con temáticas variadas. A nosa oferta tenta informar sobre todos os aspectos sociais que presenten prexuízos en calquera ámbito.

Esperamos que vos gusten!

RECOMENDACIÓNS PARA O NADAL

Un ano máis, desde a Coordinadora de Equipos de Dinamización Lingüística do Morrazo fannos chegar as súas recomendacións para este Nadal.

Guía para secundaria

VISITA DE EVA MEJUTO AO NOSO CENTRO

O 23 de novembro pola tarde visitounos a escritora Eva Mejuto, que co seu libro nos chegou ao corazón. Explicounos como escribiu a súa creación e o traballo que dá. Foi unha parrafada moi interesante e amena. Ao final despedímonos dela e agradecemos que viñese. Martín Fernández Leal 3ºA

Eva Mejuto é unha escritora de cabelo non moi longo, liso e marrón, tirando a louro, de estatura media e con lentes. Escribiu libros como A casa da mosca chosca, Tres desexos... 22 segundos foi o libro sobre o que tivemos a charla o alumnado de terceiro de 3º ESO A e B. Fixemos preguntas de todo tipo e respondeunos a todas. Ás veces parecía quedar sen palabras ante tanta participación, pero ela conseguiu seguir respondendo. Contounos, entre outras cousas, que o portada do libro é unha foto do seu amigo Adrián e a súa importancia na historia do libro. Tamén nos contou que creou o avó coma o avó que lle gustaría ter, xa que non coñeceu aos seu avós. Fíxose curta a charla. Miguel Peixoto Riobó 3ºB

Parabéns por Beula, compañeiro!

 

25 de novembro de 2020

 

Neste atípico ano, a pandemia privounos de moito, desde experiencias ata persoas... pero nós mantivemos o noso espírito e esencia revolucionarios e loitadores, que non deixaron indiferente a ninguén este 25 de novembro. Desde o equipo do voluntariado da biblioteca presenciamos a unión de todo o alumnado do noso instituto baixo unha nobre causa, a loita contra a violencia de xénero. Vídeos, pancartas, debuxos, exposicións, recreacións das que diferentes grupos do centro son partícipes, tanto o alumnado da ESO e Bacharelato, como o estudantado de ciclos e FP. 

Pola nosa banda, o voluntariado decidiu facer un gran cartel baixo a misiva "NON É NON" e varios vídeos conmemorativos, con motivo desta data, con mensaxes de apoio e recomendacións de lecturas feministas. Ditas lecturas foron expostas na entrada, para amosar como a literatura tamén conforma parte desta pugna por acadar a igualdade. Non queremos nin unha menos, nin golpes que doan, nin verbas que firan. O machismo e a violencia non son unha opinión, pois a igualdade e a xustiza non se negocian. 

Antía Novas Arribas. 1º bacharelato A.

Día das Librarías 2020.

 

O pasado venres 13 de novembro festexouse o Día das Librarías. Na conta de Instagram da Biblio @bibliojcarballeira convidamos a compartir as librarías favoritas e estas foron as respostas:

Librarías, grazas por estar, existir e persistir, sodes as farmacias das nosas almas.

E grazas por participar!

Novas incorporacións ao noso voluntariado Biblio Carballeira 2020/2021

 

Grazas LARA, MARINA, ELENA E MARTA por colaborar. Imos facer moitas cousas bonitas xuntas!

#bibliocarballeira

#bibliojcarballeira

#iesjohancarballeira

#plambe

#voluntariado

Formación voluntariado en Meiga.

Formación do voluntariado en empréstitos e devolucións.

Presentación do voluntariado 2020/2021

  Nos tempos que corren a axuda é sempre de agradecer, pero se ademáis vén de balde, con bo xesto e ganas, entón o Equipo da Biblioteca crece e emociónase.

Presentamos a SARA, ANTÍA, HÉCTOR, GIOVANNA, CARMEN, AITOR, MARTIÑO, PAULA, HELENA E ALBA, alumnado de 3º e 4º da ESO e de 1º de BACHARELATO que xa están colaborando nos labores da Biblio Carballeira nos diferentes recreos. 

BENVIDAS E GRAZAS. BIBLIO CARBALLEIRA TEN UN EQUIPAZO!

CARBALLEIRA SEGUE AO RITMO DAS LETRAS

O 17 de maio o Departamento de Lingua e Literatura Galega puxo en marcha esta actividade para compartirmos música en galego nas redes sociais. Hoxe, 31 de outubro, volve celebrarse o Día das Letras Galegas. Aquí tedes algunhas das participacións, pero podedes consultar o resto ou facer novas recomendacións na historia destacada do nosto Instagra "L. Galegas". Novamente, feliz día! #diadasletrasgalegas #RicardoCarvalhoCalero https://www.instagram.com/p/CHA0lagiIc2/?igshid=by4cuf7i4e78

Samaín 2020 no IES Johan Carballeira

 Durante esta semana, alumnado, profesorado y demás seguidores de nuestra cuenta de Instagram @bibliojcarballeira han estado recomendado obras literarias para morirse de miedo durante este fin de semana. 

¡Esperamos que os animéis a leerlas y que las disfrutéis! Feliz Samaín.

24 DE OUTUBRO. DÍA DAS BIBLIOTECAS.

 Así celebramos o Día das Bibliotecas, recomendando as nosas lecturas favoritas. 

Feliz día!

Encontro literario con Carlos Negro.

 

 

O pasado mércores 21 de outubro visitou o noso centro o poeta galego Carlos Negro, un magnífico escritor que a través de diversos poemas nos fixo sentir o que a el lle transmite a poesía. O alumnado de 4º da ESO tivo a oportunidade de gozar deste encontro e de coñecer con profundidade a orixe e as ideas que levaron ao autor a escribir Aplicación Instantánea, unha lectura proposta dende o Departamento de Lingua Galega co fin de que agromasen sentimentos e que os discentes se achegasen á poesía dun xeito entretido. 

 

Carlos Negro fíxonos comprender que mediante a poesía se poden expresar emocións ou formas de pensar que non somos capaces de explicar con facilidade, e por outro lado que un poema non ten por que ser interpretado da mesma maneira polos demais lectores. Estas e moitas outras ideas, as declamacións dos poemas e a ilusión e vivacidade que transmite o poeta fixeron deste encontro unha experiencia enriquecedora.

Carmen Castro Recamán.

4º ESO A.

DÍA DAS ESCRITORAS 2020

Neste curso tan peculiar e extremando as precaucións, celebramos o Día das Escritoras lendo fragmentos na biblio:

https://youtu.be/7KouKuL4Qlg

Grazas!

 

                                                POESÍA DE CORENTENA

Dende o departamento de Lingua e Literatura Galega, durante o pasado confinamento propuxémoslle ao alumnado que plasmase os seus sentimentos e emocións en palabras. 

De aí xurdiron estes fantásticos poemas que nos lembran un momento xa pasado que agardamos non volver vivir.

Moitas grazas a todas e a todos por emocionarnos!

Benvidas a todas as novas persoíñas que ides formar parte da nosa Biblio Carballeira!

A semana pasada os grupos de 1° ESO visitaron a biblioteca para coñecela e aprender a localizar o material. 

Ademais, contáronnos como eran as bibliotecas dos seus anteriores centros educativos e como facían alí o seu labor de voluntariado. Aproveitamos tamén para entregarlles os seus diplomas acreditativos, agradecerlles o traballo feito o curso pasado e animalos a participar do voluntariado da Biblio Carballeira. 

Marcharon co seu número identificativo, que lles permitirá levar libros e outros materiais, e sabendo que aquí terán sempre un espazo para gozar durante o tempo de lecer. 

Moitas grazas!